अस्ट्रेलियाको नर्दन टेरिटोरीमा हुने टप एन्ड टी–२० सिरिजका लागि डार्शी शर्टको कप्तानीमा एनटी स्ट्राइकले आफ्नो टोली घोषणा गरेको छ। टोलीमा जोर्डन सिल्क, टम मेन्जिज र वेस एगरसहित गत संस्करणका ६ जना खेलाडी समावेश छन्। नेपालले अगस्ट २१ मा एनटी स्ट्राइकसँग खेल्दै सिरिज सुरु गर्दैछ र यसपटक अनिल साहको कप्तानीमा नेपाल ‘ए’ टोली पठाएको छ।
अस्ट्रेलियाको नर्दन टेरिटोरीमा आयोजना हुँदै गरेको टप एन्ड टी–२० सिरिजमा डार्शी शर्टको कप्तानीमा एनटी स्ट्राइकको टोली घोषणा भएको छ। टोलीमा अस्ट्रेलियाका अनुभवी ब्याटर तथा विकेटकिपर डार्शी शर्टसँगै बिग ब्यास लिगका चर्चित खेलाडीहरू जोर्डन सिल्क, टम मेन्जिज र वेस एगर पनि छन्। गत संस्करणमा खेलेका डार्शी शर्ट, क्याडेल म्याकमहोन, हामिस मार्टिन, जोर्डन सिल्क, म्याट ह्यामन्ड र टम मेन्जिज यसपटक पनि टोलीमा रहेका छन्।
नेपालले टप एन्ड टी–२० सिरिजमा आफ्नो पहिलो खेल अगस्ट २१ मा एनटी स्ट्राइकसँग गर्न लागेको छ। यसपटक नेपालले वरिष्ठ टोलीको सट्टा अनिल साहको कप्तानीमा नेपाल ‘ए’ टोली पठाएको छ।
एनटी स्ट्राइकको टोली : डार्शी शर्ट (कप्तान), क्याडेल म्याकमोहन, डाउट्जी हुगेनबोजेम, हामिस मार्टिन, हर्ष्टिक बिम्ब्राल, जगदेस्वरा कोडुरु, जोर्डन सिल्क, जुनैद मन्सुर, म्याट ह्यामन्ड, राइली मार्क, साम बार्कर, टम मेन्जिज, ट्रेन्ट म्याकभे, वेस एगर र विल ब्लेयर।
