नेपालले टप एन्ड टी-२० सिरिजमा बंगलादेशको शीर्ष स्तर टोलीसँग प्रतिस्पर्धा गर्दै

अस्ट्रेलियाको नर्थन टेरिटोरीमा जारी टप एन्ड टी–२० सिरिज अन्तर्गत नेपालले आज बंगलादेशको शीर्ष प्रदर्शन टोलीसँग दोस्रो खेल खेल्दैछ। नेपाल र बंगलादेशबीचको खेल नेपाली समयमा दिउँसो २ बजेर १५ मिनेटमा सुरु हुनेछ। नेपालले पहिलो खेलमा एनटी स्ट्राइकसँग पराजय भोगेको थियो। ६ भदौ, काठमाडौं।

नेपाल ए टोलीबाट प्रतिस्पर्धा गर्दैछ भने बंगलादेशले यसपटक उच्च प्रदर्शन टोली पठाएको छ। गत संस्करण बंगलादेश ए नाममा खेल्ने बंगलादेशको यो पटक शीर्ष प्रदर्शन टोलीले प्रतिस्पर्धा गर्दैछ, जसमा राष्ट्रिय टोलीका अनुभवी खेलाडीहरु पनि समावेश छन्। बंगलादेशका सबैभन्दा अनुभवी खेलाडी ३४ वर्षीय सबिर रहमान हुन्, जसले टेस्ट, ओडीआई र टी–२० गरी तीनै अन्तर्राष्ट्रिय ढाँचामा खेलेका छन्।

नेपालको टोलीमा अनिल साह (कप्तान), कुशल भुर्तेल, लोकेश बम, तृतराज दास, मयन यादव, पवन सर्राफ, दीपक डुम्रे, कुशल मल्ल, राशिद खान, नारायण जोशी, आकाश चन्द, शाहब आलम, बिपिन खत्री, युवराज खत्री, रिजन ढकाल रहेका छन्। बंगलादेशको टोलीमा इर्फान सुक्कुर, हबिबुर रहमान सोहान, जिशान आलम, एस एम मेहेरोब हसन, समिउन बसिर रातुल, सब्बिर रहमान रोमन, रोहानत दौल्लाह बोर्सन, रकिबुल हसन, आरिफुल इस्लाम, अब्दुल गफ्फार साक्लिन, रिपोन मन्डल, एमडी रुबेल, अबु हिदर रोनी, शामिम हुसेन, र मृत्युन्जय चौधरी रहेका छन्।