काठमाडौं गोर्खाजले भारतका पूर्व टेस्ट विकेटकिपर ब्याट्सम्यान केएस भरतलाई आगामी नेपाल प्रिमियर लिगको तेस्रो सिजनका लागि अनुबन्ध गरेको छ। ३२ वर्षीय भरतले केही महिनाअघि अन्तर्राष्ट्रिय क्रिकेटबाट संन्यास घोषणा गरेका थिए र भारतका लागि टेस्ट क्रिकेट खेलेका छन्। भरत काठमाडौँ गोर्खाजले एनपीएलको आगामी संस्करणका लागि घोषणा गरेको पहिलो विदेशी खेलाडी हुन्।
भारतका पूर्व टेस्ट विकेटकिपर ब्याट्सम्यान केएस भरत आगामी नेपाल प्रिमियर लिग (एनपीएल) को तेस्रो सिजनमा काठमाडौँ गोर्खाजबाट खेल्ने भएका छन्। गोर्खाजले सामाजिक सञ्जालमार्फत भरतलाई टोलीमा अनुबन्ध गरेको जानकारी दिएको छ। भरतले टी–२० क्रिकेटमा ९१ खेल खेल्दै १८०० भन्दा बढी रन बनाएका छन्। विकेटकिपिंगसँगै मध्यक्रममा उपयोगी ब्याटिङ गर्न सक्ने भरतको आगमनले काठमाडौँ गोर्खाजको टोलीलाई थप अनुभवी बनाउनेछ।
भरत सन् २०२४ को आईपीएल उपाधि जितेको कोलकाता नाइट राइडर्स टोलीका सदस्य थिए। उनीसँग भारतीय घरेलु क्रिकेट र आईपीएलमा लामो अनुभव छ। काठमाडौँ गोर्खाजले एनपीएलको आगामी संस्करणका लागि पहिलो विदेशी खेलाडी घोषणा गरेको हो। भरतको उपस्थितिले टोलीको विकेटकिपिङ र ब्याटिङ बलियो बनाउने विश्वास गरिएको छ।
