१३ वर्षको उमेरमा २०औं एसियन गेम्समा खेल्दै चिनियाँ पौडीबाज यु जिदी

जापनको आइची र नागोयामा आयोजना हुँदै गरेको २०औं एसियन गेम्समा ११ हजारभन्दा बढी खेलाडी सहभागी हुनेछन्। चिनियाँ १३ वर्षीया पौडीबाज यु जिदी एसियन गेम्सकी सबैभन्दा कान्छी खेलाडी बन्ने क्रममा छिन्। भारतका १५ वर्षीय क्रिकेटर वैभव सूर्यवंशी पनि एसियन गेम्सका लागि भारतीय टोलीमा समावेश भएका छन्।

७ भदौ, काठमाडौं। जापानको आइची र नागोयामा हुने २०औं एसियन गेम्सका लागि अहिले सहभागी राष्ट्रहरूले खेलाडी संख्या घोषणा गरिरहेका छन्। यस पटकको एसियन गेम्समा ११ हजारभन्दा बढी खेलाडीहरूको सहभागिता हुनेछ। चिनियाँ किशोरी पौडीबाज यु जिदी पनि यसमा सहभागी हुनेछन् र उनी सबैभन्दा कान्छी खेलाडी बन्ने कतारमा छिन्। उनी अक्टोबरमा १४ वर्षकी हुनेछन्।

यु जिदीले सानै उमेरदेखि पौडी खेल्दै आएकी छन्। गत वर्ष सिंगापुरमा भएको वर्ल्ड एक्वाटिक्स च्याम्पियनसिपमा उनी १२ वर्षको उमेरमा सहभागी भएकी थिइन् र सबैभन्दा कान्छी खेलाडी बनेकी थिइन्। त्यस प्रतियोगितामा उनले कांस्य पदक पनि जितेकी थिइन्। सन् २०२३ मा चीनले १९औं एसियन गेम्समा २०१ स्वर्ण पदक जित्दै वर्चस्व कायम राखेको थियो। यस पटक पनि चीनले २०औं गेम्समा त्यो उपलब्धि दोहोर्याउने लक्ष्य लिएको छ र यु जिदी पनि पदक जित्ने लक्ष्यमा छिन्।

अर्को चर्चित किशोर खेलाडी भारतीय क्रिकेटर वैभव सूर्यवंशी पनि छन्। १५ वर्षका उनले भारतको क्रिकेट टोलीमा समावेश भएर एसियन गेम्स खेल्नेछन्। उनले पहिले नै भारतको राष्ट्रिय टोलीबाट डेब्यु गरिसक्नु भएको छ। यसैगरी, फिलिपिन्सकी २१ वर्षीया टेनिस खेलाडी एलेक्स इआएला पनि यो प्रतियोगितामा हेर्न लायक खेलाडीको रूपमा उपस्थित हुनेछन्। २०औं एसियन गेम्समा ४३ खेलमा ७१ विधामा प्रतिस्पर्धा हुने तय भएको छ।