जेम्स स्कुल धापाखेलको आयोजनामा दुईदिन लामो थन्डरबोल्ट्स कप पौडी प्रतियोगिता सम्पन्न भएको छ। यस प्रतियोगितामा ८१ विद्यालयका ३४५ खेलाडीले भाग लिएका थिए र १० उमेर समूहमा ७९ वटा विभिन्न ईभेन्टमा प्रतिस्पर्धा गरिएको थियो। यू–१८ पुरुषतर्फ जेम्स स्कुलका कल्किन श्रेष्ठ र महिलातर्फ द ब्रिटिस स्कुलकी रोयल प्रजापति उत्कृष्ट खेलाडी घोषित भएका छन्।
प्रतियोगितामा यू–१४ पुरुषतर्फ जेम्स स्कुलका मायोन श्रेष्ठ र महिलातर्फ सेन्ट मेरीज सेकेन्डरी स्कूलकी देभान्सी जोशीले उत्कृष्ट प्रदर्शन देखाएका छन्। यू–१२ पुरुषतर्फ निसर्ग वाटिका स्कूलका साहस शाक्य र महिलातर्फ प्राइम इन्टरनेसनल आईबी स्कूलकी इभाना श्रेष्ठ उत्कृष्ट खेलाडीका रूपमा चयन भएका छन्। यू–१० उमेर समूहमा जेम्स स्कुलका चिराग महर्जन र युरो स्कूलकी बेट्टी श्रेष्ठलाई उत्कृष्टताको उपाधि दिइएको छ।
त्यसैगरी, यू–८ पुरुषतर्फ बृहस्पति विद्या सदनका केवत सिंह र कौतिक शर्मालाई संयुक्त रूपमा उत्कृष्ट खेलाडी घोषित गरिएको छ भने महिलातर्फ युनिग्लोब सेकेन्डरी स्कूलकी भीदी गोयल उत्कृष्ट खेलाडीको रूपमा चयन भएकी छिन्।
