नेपाली महिला फुटबलर सिमा रानी घले क्रोएसियाको अग्रणी महिला लिग क्लब जेडएनके स्प्लिटमा आबद्ध भएकी छिन्। सिमा अब क्रोएसियाको ए डिभिजन माजेन्टा लिगमा प्रतिस्पर्धा गर्नेछिन्। यस अनुबन्धसँगै उनी क्रोएसियाको शीर्ष महिला लिगमा खेल्ने पहिलो नेपाली फुटबलर भएकी छिन्। ९ भदौ, काठमाडौं।
संकटा क्लबबाट घरेलु फुटबलमा सुरुवात गरेकी सिमाको यस अनुबन्धको जानकारी संकटा क्लबले सामाजिक सञ्जालमार्फत सार्वजनिक गरेको हो। एफसी बुद्धबाट आफ्नो फुटबल यात्रा सुरु गरेकी सिमाले नेपालमा संकटा एफसीबाट पनि उत्कृष्ठ प्रदर्शन गरिसकेकी छिन्। घरेलु फुटबलबाट युरोपको शीर्ष डिभिजनसम्मको उनको यात्रा नेपाली महिला फुटबलका लागि एक महत्वपूर्ण उपलब्धि मानिएको छ। यस अनुबन्धसँगै सिमा क्रोएसियाको शीर्ष महिला लिगमा खेल्ने पहिलो नेपाली महिला फुटबलर बनेकी छिन्।
