जापानमा आयोजना हुन लागेको २०औं एसियाली खेलकुदको तयारी क्रममा टेबल टेनिस खेलाडी योङगी पौडेल र इभाना थापा थाइल्यान्डको बैंकक प्रस्थान गरेका छन्। उनीहरूले सेप्टेम्बर ४ देखि १५ सम्म बैंककस्थित थोनबुरी विश्वविद्यालयमा विशेष प्रशिक्षण लिनेछन्।
अखिल नेपाल टेबल टेनिस संघका कोषाध्यक्ष ज्याकी महर्जनका अनुसार, यस प्रशिक्षणले आगामी एसियन गेम्समा खेलाडीहरूको तयारी, खेल स्तर र प्रतिस्पर्धात्मक क्षमता अभिवृद्धि गर्न महत्वपूर्ण योगदान पुर्याउनेछ। राष्ट्रिय खेलकुद परिषद्को कार्यकारी सदस्य सिक्का सुवाल श्रेष्ठ र कोषाध्यक्ष महर्जनले उनीहरूलाई त्रिभुवन अन्तर्राष्ट्रिय विमानस्थलमा बिदाइ गरेका थिए।
