अमेरिकी राष्ट्रपति डोनाल्ड ट्रम्पका दुई दूत रुसको मस्को शहर पुगेका छन्। रुसी–युक्रेनी युद्ध रोक्ने उद्देश्यले आयोजना गर्न लागिएको वार्ताअघि ट्रम्पका दूत स्टिभ विटकफ र जेरेड कुसनर शनिबार मस्कोमा उपस्थित भएका हुन्। रुसमा उनीहरूले केही शीर्ष रूसी नेतासँग बैठक गर्नेछन् र त्यसपछि युक्रेनको राजधानी किभ तर्फ यात्रा गर्ने योजना रहेको छ।
अमेरिकी राष्ट्रपति ट्रम्पले त्यसपछि रुसी राष्ट्रपति भ्लादिमिर पुटिन र युक्रेनी राष्ट्रपति भोलोदिमिर जेलेन्सीचसहित अलग-अलग भेटवार्ता गर्ने विभिन्न समाचार स्रोतहरूले जनाएका छन्। ट्रम्पका दूतहरू मस्को पुगेको बेला भनुकोभो विमानस्थलमा रुसी अधिकारी किरिल दिमित्रियेवले तिनीहरूको स्वागत गरेका थिए।
