समाचार सारांश
सुनसरी–४ बाट निर्वाचित रास्वपाका सांसद दीपक कुमार साहलाई उद्योग, वाणिज्य तथा आपूर्तिमन्त्रीको रूपमा सिफारिस गरिएको छ। प्रधानमन्त्री बालेन शाहले रिक्त रहेको मन्त्री पदका लागि उनलाई सिफारिस गरेका हुन्। राष्ट्रपति कार्यालय शीतल निवासमा आज साढे पाँच बजे उनको पद तथा गोपनीयताको शपथ ग्रहण हुनेछ।
२५ भदौ, काठमाडौं। सुनसरी–४ बाट निर्वाचित रास्वपाका सांसद दीपक कुमार साहलाई उद्योग, वाणिज्य तथा आपूर्तिमन्त्रीको रूपमा सिफारिस गरिएको छ। उनको सिफारिस पत्र राष्ट्रपति कार्यालय शीतल निवासमा पुगेको छ। प्रधानमन्त्रीको सिफारिसपछि राष्ट्रपतिले मन्त्रीको नियुक्ति गर्ने व्यवस्था छ। यसै क्रममा प्रधानमन्त्री बालेन शाहले आज रिक्त रहेको मन्त्री पद पूर्तिका लागि उनलाई सिफारिस गरेका हुन्। गौरी यादवले यही दिन उक्त मन्त्री पदबाट राजीनामा दिएकी थिइन्। राष्ट्रपति कार्यालयका अनुसार उनको पद तथा गोपनीयताको शपथ आजै साढे पाँच बजे लिइनेछ।
