अस्ट्रेलियामा सम्पन्न बफेलो स्टेमपेड १०० किलोमिटर ट्रेल दौडमा नेपाली अल्ट्रा धावक मनकुमार मगरले पुरुष यू-२३ वर्गमा दोस्रो स्थान हासिल गरे। मनकुमारले १० घण्टा ३६ मिनेट ४५ सेकेन्डमा दौड पूरा गर्दै उपविजेता बने भने जर्ज नाइटले ९ घण्टा ४५ मिनेट ०१ सेकेन्डमा पहिलो स्थान प्राप्त गरे।
मनकुमारले गत फागुनमा एसिया ट्रेल मास्टर च्याम्पियनसिप फाइनल्स २०२६ अन्तर्गत ‘दी ९ ड्रागन रेस’ मा पहिलो स्थान हासिल गरेका थिए। उनी पछिल्लो समय नेपाली अल्ट्रा धावकहरूमा एक सम्भावित प्रतिभाका रूपमा चिनिएका छन्। यसै दौडमा बेन लिसन तेस्रो भए, जसले १० घण्टा ३८ मिनेट ५७ सेकेन्डमा दूरी पूरा गरे।
बफेलो स्टेमपेड फेस्टिभललाई अस्ट्रेलियाको प्रमुख ट्रेल रनिङ्ग इभेन्टको रूपमा मानिन्छ।
