कर्णालीका पाँच प्रमुख पर्यटकीय गन्तव्यमा २१ करोड ३५ लाख खर्च, पर्यटन दशकको आधार तयार गर्दै सरकार
कर्णाली प्रदेश सरकारले रारा, काँक्रेविहार, बुलबुले, कुपिण्डे र स्यार्पु संरक्षण तथा विकासका लागि २१ करोड ३५ लाख रुपैयाँ विनियोजन गरेको छ। प्रदेशले पर्यटन प्रवर्द्धन तथा विकासका लागि ५३ करोड ८६ लाख रुपैयाँ छुट्याएर पार्क, उद्यान, पदमार्ग र दृश्यावलोकन स्थल निर्माण गर्ने जनाएको छ। मन्त्री कल्याणी खड्काले कर्णाली पर्यटन दशकमार्फत संरक्षण, पूर्वाधार, पहुँच विस्तार र सीप विकास गरी रोजगारी सिर्जना गर्ने बताइन्। २८ भदौ, सुर्खेत।
कर्णाली प्रदेश सरकारले यहाँका प्रमुख पर्यटकीय गन्तव्यहरूको संरक्षण, पूर्वाधार विकास र प्रवर्द्धनका लागि चालु आर्थिक वर्षमा करोडौँ रुपैयाँ बजेट सहित कार्य सुरु गरेको छ। प्रदेशले पाँच प्रमुख पर्यटकीय गन्तव्यहरूको गुरुयोजना कार्यान्वयनदेखि भवन, सडक लगायत पर्यटन पूर्वाधार निर्माणमा ठूलो लगानी गर्ने योजना ल्याएको छ। मुगुको रारा ताल, सुर्खेतको काँक्रेविहार, बुलबुले उद्यान र चौहान पार्क, सल्यानको कुपिण्डे दह र रुकुम पश्चिमको स्यार्पु ताल संरक्षण तथा विकासका लागि कर्णाली सरकारले २१ करोड ३५ लाख रुपैयाँ बजेट विनियोजन गरेको छ।
आर्थिक वर्ष २०८३/८४ को बजेट वक्तव्यको ५०औं बुँदामा यी गन्तव्यहरूको गुरुयोजना प्रभावकारी रूपमा कार्यान्वयन गर्न जोड दिइएको छ। गुरुयोजना कार्यान्वयनमा जोड सरकारले पर्यटकीय स्थल विकाससँगै समग्र पर्यटन पूर्वाधारमा समेत ५३ करोड ८६ लाख रुपैयाँ छुट्याउने जनाएको छ। यसले पार्क, उद्यान, खुला स्थान, पदमार्ग र दृश्यावलोकन स्थलसहित प्राकृतिक, धार्मिक र सांस्कृतिक पूर्वाधार निर्माण र स्तरोन्नति तय गरिएको छ। उद्योग, पर्यटन, वन तथा वातावरणमन्त्री कल्याणी खड्काका अनुसार कर्णालीको पर्यटनलाई पूर्वाधार विकास, सेवामा सुधार र गन्तव्य व्यवस्थापनसँग जोडेर अघि बढाउने नीति छ।
