प्रिमियर लिग रेफ्री निकाय प्रो रेफले म्यानचेस्टर डर्बीमा एर्लिङ हालान्डको विजयी गोललाई मान्यता दिने निर्णयलाई गलत ठहराउँदै गल्ती स्वीकार गरेको छ। ओल्ड ट्राफर्डमा म्यानचेस्टर सिटीले म्यानचेस्टर युनाइटेडलाई १–० ले हराएको खेलमा ६०औं मिनेटमा हालान्डको गोल सुरुमा अफसाइडका कारण अस्वीकार गरिएको थियो। प्रो रेफका अनुसार एन्जो फर्नान्डेजले बल नछोएकाले अफसाइड विषयगत बनेको र भीएआरले पुनरावलोकन सिफारिस गर्नुपर्ने थियो।
म्यानचेस्टर युनाइटेडका डिफेन्डर लिसान्द्रो मार्टिनेजले निर्णयलाई अन्याय भनेका छन् भने प्रशिक्षक माइकल क्यारिकले आफू अलमलमा परेको बताएका छन्। खेलको २३औं मिनेटमा फिल फोडेनले ब्रुनो फर्नान्डेजलाई लात हानेपछि सिधा रातो कार्ड पाएर म्यानचेस्टर सिटी १० खेलाडीमा सीमित भएको थियो। २९ भदौ, काठमाडौं। आइतबार राति भएको म्यान्चेस्टर डर्बीमा एर्लिङ हालान्डको विजयी गोललाई मान्यता दिने निर्णय गलत भएको भन्दै प्रिमियर लिग रेफ्री निकाय ‘प्रो रेफ’ ले गल्ती स्वीकार गरेको छ।
हालान्डले ६०औं मिनेटमा गरेको गोल सुरुमा अफसाइडका कारण अस्वीकार गरिएको थियो। तर भिडियो सहायक रेफ्री (भीएआर) को हस्तक्षेपपछि गोललाई मान्यता दिइएको थियो। विवादको केन्द्रमा सिटीका एन्जो फर्नान्डेज थिए, जो अफसाइड अवस्थामा रहेर पनि बल खेल्न प्रयास गरिरहेका देखिएका थिए। प्रो रेफका अनुसार उनले बल छोएका थिएनन्, त्यसैले अफसाइड ‘सब्जेक्टिभ’ बनेको थियो। तर उनको अवस्थाले खेलमा प्रभाव पारेको सम्भावना भीएआरले नबुझेको र त्यस अवस्थामा मैदानमै रेफ्रीलाई पुनरावलोकन गर्न सिफारिस गर्नुपर्ने थियो। प्रो रेफले शनिबार साँझ म्यानचेस्टर युनाइटेडसँग सम्पर्क गरी यसलाई ‘निर्णयगत त्रुटि’ मानेको र घटनाको विस्तृत समीक्षा गरिने जनाएको छ।
