बैतडीको सडक डिभिजन कार्यालयले सम्झौता अवधि भित्र काम पूरा नगरेका १० वटा सडक आयोजनाका ठेक्का सम्झौता तोडेको छ। कार्यालयले महाकाली, जयपृथ्वी, मध्यपहाडी तथा सतबाँझ–गोकुलेश्वर–दार्चुला सडकका मर्मत, स्तरोन्नति र सडक सुरक्षा कामको ठेक्का अन्त्य गरेको छ। सूचना अधिकारी कपिल प्रशाद पन्तका अनुसार सम्बन्धित निर्माण व्यवसायीलाई कालोसूचीमा राख्न सिफारिस गरिनेछ र जमानत तथा धरौटी रकम असुल गरिने जानकारी दिइएको छ। २९ भदौ, बैतडी।
सडक डिभिजन कार्यालय बैतडीले लामो समयसम्म निर्माण सम्पन्न गर्न नसकेका १० वटा सडक आयोजनाका ठेक्का सम्झौता तोडेको छ। कार्यालयले सोमबार एक सूचना जारी गर्दै सम्झौता अवधिभित्र काम सम्पन्न नभएका र सम्झौता अनुसार कार्य अगाडि नबढेका ठेक्का तोडिएको जनाएको छ। ठेक्का अन्त्य भएका आयोजनामा महाकाली राजमार्ग, जयपृथ्वी राजमार्ग, मध्यपहाडी राजमार्ग तथा सतबाँझ–गोकुलेश्वर–दार्चुला सडकका मर्मत, स्तरोन्नति र सडक सुरक्षा सम्बन्धी कामहरू समावेश छन्। सम्बन्धित निर्माण व्यवसायीलाई कालोसूचीमा राख्न सिफारिस गरिने र कार्यसम्पादन जमानत, धरौटी तथा बाँकी पेश्की रकम प्रचलित कानुन अनुसार असुल गरिने जानकारी सडक डिभिजन कार्यालय बैतडीका सूचना अधिकारी कपिल प्रशाद पन्तले दिएका छन्।
सम्बन्धित खबर
