१५ चैत, काठमाडौं। नेपाली सैनिक वार कलेज, नगरकोटमा उच्च कमाण्ड तथा व्यवस्थापन तालिम सुरु गरिएको छ। नेपाली सेनाका बलअधिकृत रथी प्रदीप जंग केसीले आइतबार यस तालिमको उद्घाटन गरेका छन्। यो तालिम सि. सं. १४ ब्याच अन्तर्गत हो। नेपाली सेनाका रथी तथा अधिकृतहरुको उपस्थितिमा तालिम सुरु गरिएको छ। यस तालिमले पेशागत क्षमता, ज्ञान र आत्मविश्वास अभिवृद्धि गर्ने उद्देश्य राख्छ। ३५ जना महासैनिक दर्जाका अधिकृतहरुको सहभागिता रहेको यस तालिम नेपालमा सञ्चालन हुने सबैभन्दा उच्चस्तरिय तालिममध्ये एक हो। २०७१ सालदेखि नेपाली सैनिक वार कलेजमा यो तालिम निरन्तर चलिरहेको छ। अहिलेसम्म ३७५ जना अधिकृतहरू यसबाट प्रशिक्षित भइसकेका छन्।
