राजस्थान रोयल्सले आईपीएल क्रिकेटमा चेन्नई सुपर किङ्समाथि ८ विकेटले सजिलो जित हात पारेको छ। सोमबार गुवाहाटीमा सम्पन्न खेलमा चेन्नईले दिएको १२८ रनको लक्ष्य राजस्थानले १२.१ ओभरमा २ विकेट गुमाएर पूरा गर्यो। ओपनर वैभव सूर्यवंशीले १५ बलमा अर्धशतक पुरा गर्दै १७ बलमा ५२ रन बनाएर आउट भए। अर्का ओपनर यशश्वी जैसवालले अविजित ३८ रन खेले। ध्रुव जुरेलले १८ रन बनाए भने कप्तान रियान पराग १४ रनमा अविजित रह्यो।
चेन्नईका दुई विकेट अन्शुल कम्बोजले लिए। टस हारेर पहिले ब्याटिङ गरेको चेन्नई सुरुबाटै लगातार विकेट गुमाउँदै दबाबमा परेको थियो। सन्जु सामसन र रुतुराज गायक्वाड दुवै ६ रनमै आउट भए। आयुष म्हात्रे शून्य रनमै र म्याट शर्ट २ रनमै आउट भएपछि चेन्नईको स्कोर ३८-४ मा पुगेको थियो। सरफराज खानले १७, कार्तिक शर्माले १८ अनि शिवम दुबेको ६ रनमा आउट भएपछि चेन्नई ७४-७ मा संकटपूर्ण अवस्थामा पुग्यो।
त्यहाँबाट जेमी ओभरटनले ४३ रन बनाएर चेन्नईलाई २ बलअघि नै अलआउट गराउने प्रयास गरे, तर टिमले कुल १२७ रनमै अलआउट भयो। राजस्थानका जोफ्रा आर्चर, नान्द्रे बर्गर र रविन्द्र जडेजाले २-२ विकेट लिए भने ब्रिजेश शर्मा, सन्दीप शर्मा र रवि बिश्नोइले १-१ विकेट लिए।
सम्बन्धित खबर
