दिल्लीमा विरोध प्रदर्शन र धर्ना आयोजना गर्ने तोकिएको स्थानको सूचीबाट जन्तरमन्तर हटाइएको छ। केन्द्रीय गृह मन्त्रालयको समितिको सिफारिसका आधारमा दिल्ली पुलिस आयुक्त अनुराग कुमारले सोमबार नोटिस जारी गरेका छन्। अब जन्तरमन्तरको विकल्पमा रामलीला मैदान, बुरारी मैदान र पूर्वी दिल्लीको सीबीडी मैदान तोकिएको छ। २६ असोज, काठमाडौं।
दिल्लीमा विरोध प्रदर्शन र धर्ना सञ्चालनका लागि जन्तरमन्तरलाई तोकिएको स्थानको सूचीबाट हटाइएको छ। केन्द्रीय गृह मन्त्रालयले गठन गरेको समितिको सिफारिसका आधारमा यो निर्णय लिइएको हो। दिल्ली पुलिस आयुक्त अनुराग कुमारले सोमबार नोटिस जारी गरेका छन्। उक्त नोटिसमा जन्तरमन्तरको विकल्पको रूपमा रामलीला मैदान, बुरारी मैदान र पूर्वी दिल्लीको सीबीडी मैदानलाई तोकिएको उल्लेख गरिएको छ। ‘गृह मन्त्रालयले गठन गरेको समितिलाई नागरिकहरूको विरोध प्रदर्शन र धर्ना आयोजना गर्ने अधिकारलाई ध्यानमा राख्दै हाल तोकिएका स्थानहरूको विकल्पको समीक्षा गर्ने जिम्मेवारी दिएको थियो,’ नोटिसमा भनिएको छ। ती तीनवटै स्थानमा विरोध प्रदर्शन र धर्ना सञ्चालनका लागि छुट्टै एसओपी जारी गरिने पनि नोटिसमा उल्लेख छ।
सम्बन्धित खबर
