नेपाल क्रिकेट संघ (क्यान) का सचिव पारस खड्काले नेपाल प्रिमियर लिग (एनपीएल) को तेस्रो संस्करणको उद्घाटन समारोहमा उपस्थित प्रधानमन्त्री बालेन्द्र शाह र शिक्षा तथा खेलकुद मन्त्री सस्मित पोखरेलसहित सम्पूर्ण अतिथिप्रति आभार व्यक्त गरेका छन्। प्रधानमन्त्री बालेन्द्र शाहले सोमबार त्रिवि क्रिकेट मैदानमा पुगेर प्रतियोगिताको उद्घाटन गरेका थिए। उनले खेलाडीहरूसँग परिचय गरी म्याच रेफ्रीलाई बल हस्तान्तरण गरेका थिए।
खड्काले नेपाली क्रिकेटप्रति राज्यले देखाएको अभिभावकत्व र विश्वासले नयाँ ऊर्जा र उत्साह थपेको बताएका छन्। उनले क्यानका पदाधिकारी, सदस्य, फ्रेन्चाइज टोली, प्रायोजक र व्यवस्थापनमा संलग्न सबैलाई धन्यवाद दिएका छन्। सम्पूर्ण नेपाली जनताले अपनत्व लिएको एनपीएललाई अन्तर्राष्ट्रिय मञ्चमा नेपालको पहिचान र स्वाभिमानको प्रतीक बनेको उल्लेख गर्दै खड्काले प्रतियोगितामा सहभागी सबै टोलीलाई सफलताको शुभकामना दिएका छन्।
सोमबारदेखि सुरु भएको तेस्रो सिजनको एनपीएलमा लुम्बिनी लायन्सले सुदूरपश्चिम रोयल्सलाई हराउँदै विजयी सुरुवात गरेको छ।
सम्बन्धित खबर
