कजारियाले एनएस क्वालिटी अवार्ड – २०२६ प्राप्त गरी राष्ट्रिय तथा अन्तर्राष्ट्रिय मापदण्डहरूको पालना गरेको प्रमाण प्रस्तुत गरेको छ। कम्पनीले वार्षिक ५.२ मिलियन वर्गमिटर उत्पादन क्षमतासहित नेपालमै टायल उद्योग संचालन गर्दै आएको छ। कजारियाले नेपालभर १ सयभन्दा बढी शोरूम विस्तार गर्दै ग्लेज्ड भिट्रिफाइड र सेरामिक वाल टायल उत्पादन गर्दै आएको छ। १९ चैत, काठमाडौं। विश्वव्यापी मान्यता प्राप्त टायल ब्रान्ड कजारियाले हालै एनएस क्वालिटी अवार्ड – २०२६ हासिल गरेको छ। यस अवार्डले कम्पनीको राष्ट्रिय तथा अन्तर्राष्ट्रिय मापदण्डहरूको पालना गर्ने प्रतिबद्धतालाई थप पुष्ट् गरेको छ। कम्पनीका अनुसार, यसले “विश्वसनीय र विश्वस्तरीय टायल उत्पादक क्षमताको प्रमाण” दिएको छ। कजारियाले प्रतिष्ठित मान्यतासहित अन्तर्राष्ट्रिय सफलताहरू मार्फत बजारमा आफ्नो स्थिति अझ सशक्त बनाउँदै आएको छ। कम्पनीले उपभोक्ताको विश्वास र बजार नेतृत्वलाई सुदृढ गर्न निरन्तर प्रयासरत रहेको जनाएको छ। जारी विज्ञप्तिमा उल्लेख छ, “कजारिया विश्वका आठौँ सबैभन्दा ठूलो टायल उत्पादकको रूपमा मान्यता प्राप्त छ, जसले यसको विश्वव्यापी उपस्थिति र उत्पादन क्षमतालाई देखाउँछ।” कजारियाको गुणस्तर प्रतिबद्धता आईएसओ ९००१ : २०१५ प्रमाणीकरणद्वारा प्रमाणित छ, जसले उत्पादन र सञ्चालनमा उच्च मापदण्डहरू सुनिश्चित गर्दछ।
