नेपाल सरकारले पश्चिम एसियामा जारी द्वन्द्वका कारण समस्यामा परेका नेपालीहरूको उद्धारका लागि ३, ४ र ५ अप्रिलमा विशेष उडान संचालन गर्ने निर्णय गरेको छ। नेपाल वायुसेवा निगमले काठमाडौं–दुबई, दुबई–काठमाडौं, काठमाडौं–दमाम र दमाम–काठमाडौं उडानहरू भर्नेछ। परराष्ट्रमन्त्री शिशिर खनालले यसका लागि निर्देशन दिएका थिए। २० चैत, काठमाडौं।
पश्चिम एसियामा जारी द्वन्द्वका कारण समस्यामा परेका नेपाली नागरिकहरूको उद्धारका लागि नेपाल सरकारले आजदेखि तीन दिनसम्म विशेष उडान सञ्चालन गर्दैछ। नेपाल वायुसेवा निगमले ३ अप्रिलमा काठमाडौं–दुबई, ४ अप्रिलमा दुबई–काठमाडौं, ५ अप्रिलमा काठमाडौं–दमाम र दमाम–काठमाडौं उडान गर्ने योजना तयार पारेको छ। ती क्षेत्रहरूमा रहेका नेपालीहरूलाई स्वदेश फर्काउन र गन्तव्य मुलुक जान नपाएका नागरिकलाई गन्तव्यसम्म पुर्याउन विशेष उडान सञ्चालन गर्न लागिएको सरकारद्वारा जनाइएको छ।
चैत १७ गते परराष्ट्र मन्त्रालय, संस्कृति, पर्यटन तथा नागरिक उड्डयन मन्त्रालय, नेपाल नागरिक उड्डयन प्राधिकरण र नेपाल वायुसेवा निगमका उच्च पदस्थ अधिकारीहरूको बैठक बसेको थियो। उक्त बैठकमा पश्चिम एसियामा रहेका नेपाली नागरिकहरूको उद्धार र आवागमनलाई सहज बनाउने तथा आवश्यक हवाई सेवा सञ्चालन गर्ने विषयमा छलफल गरिएको थियो। परराष्ट्रमन्त्री शिशिर खनालको निर्देशनपछि नेपाल वायुसेवा निगमले तीन दिनसम्म विशेष उडान सञ्चालन गर्ने निर्णय गरेको छ।
पश्चिम एसियामा विद्यमान तनाव र असुरक्षा अवस्थाका कारण ती क्षेत्रहरूमा नियमित उडानहरू २८ फेब्रुअरीदेखि स्थगित छन्। उडानका समयमा आवश्यक बीमाको व्यवस्था सहज बनाउन राष्ट्रिय बीमा कम्पनीले सहयोग गरेको परराष्ट्र मन्त्रालयले जनाएको छ। पश्चिम एसियामा विद्यमान तनावका बीचमा समेत विशेष उडान सञ्चालनमा योगदान र समन्वय गर्ने अन्य जिम्मेवार निकायलाई परराष्ट्र मन्त्रालयले धन्यवाद व्यक्त गरेको छ।
