राष्ट्रिय प्रजातन्त्र पार्टीको निर्देशक समितिको अध्यक्ष पदबाट डा. प्रकाशचन्द्र लोहनीले चैत ८ गते दिएका राजीनामा पार्टी अध्यक्ष राजेन्द्र लिङ्देनले स्वीकृत गरेका छन्। लोहनीले प्रतिनिधि सभा निर्वाचनको परिणामले स्तब्ध हुँदै पार्टी महाधिवेशन आयोजना गर्नुपर्ने र त्यसपछिबाट पदमा जारी रहने बताएका थिए। उनले राजीनामापत्रमा पार्टी नेतृत्वका पदाधिकारीहरूले तुरुन्तै बाटो खुलाउनुपर्ने कुरा उल्लेख गरेका थिए। २४ चैत, काठमाडौं।
राष्ट्रिय प्रजातन्त्र पार्टी (राप्रपा) को निर्देशक समितिको अध्यक्ष पदबाट डा. प्रकाशचन्द्र लोहनीले दिएको राजीनामा स्वीकृत भएको छ। लोहनीले यही चैत ८ गते दिएको राजीनामा आज मंगलबार पार्टी अध्यक्ष राजेन्द्र लिङ्देनले स्वीकृत गरेका हुन्। ‘चैत ८ गते निर्देशक समितिको अध्यक्षबाट उहाँ (लोहनी)ले दिनुभएको राजीनामा आज पार्टी अध्यक्षले स्वीकृत गर्नुभएको छ’ राप्रपा स्रोतले जानकारी दिएको छ।
लोहनीले हालै सम्पन्न प्रतिनिधिसभा निर्वाचनको परिणामबाट स्तब्ध हुँदै तदर्थ समितिमार्फत पार्टी महाधिवेशन गर्नुपर्ने बताएका थिए। उनले महाधिवेशनपछि मात्र पदमा कायम रहने स्पष्ट पारेका थिए। पार्टी नेतृत्वका पदाधिकारीहरूले तुरुन्तै प्रक्रिया अघि बढाउनुपर्ने कुरा पनि उनले आफ्नो राजीनामापत्रमा उल्लेख गरेका थिए।
सम्बन्धित खबर
