सर्वोच्च अदालतले पूर्व ऊर्जामन्त्री दीपक खड्कालाई सम्पत्ति शुद्धीकरण मुद्दामा थुनामुक्त गर्ने आदेश जारी गरेको छ। चैत १५ गते पक्राउ परेका उनलाई उनकी पत्नी विनिता थापाले बन्दी प्रत्यक्षीकरणको रिट दायर गरेकी थिइन्। न्यायाधीश सपना प्रधान मल्ल र श्रीकान्त पौडेलको इजलासले उनलाई थुनामुक्त गर्ने र विदेश जान अनुमति लिनुपर्ने आदेश दिएको छ।
सर्वोच्च अदालतले नेपाली कांग्रेसका नेता र पूर्व ऊर्जामन्त्री दीपक खड्कालाई थुनामुक्त गर्ने आदेश जारी गरेको छ। उनलाई सम्पत्ति शुद्धीकरण मुद्दाको छानबिनका लागि पक्राउ गरिएको थियो। चैत १५ गते पक्राउ परेका उनलाई थुनामुक्त गर्न उनकी पत्नी विनिता थापाले बन्दी प्रत्यक्षीकरणको रिट दायर गरेकी थिइन्। उक्त रिटमा न्यायाधीश सपना प्रधान मल्ल र श्रीकान्त पौडेलको इजलासले सुनुवाइ गर्दै थुनामुक्त गर्ने आदेश जारी गरेको हो। साथै, उनलाई विदेश जानुअघि अनुमति लिनुपर्ने पनि आदेशमा उल्लेख गरिएको छ।
जेनजी आन्दोलनका क्रममा दीपक खड्काको घरमा प्रदर्शनकारीहरुले तोडफोड र आगजनी गरेका थिए। आगजनीपछि उनका घरमा रहेका नेपाली र विदेशी नोट जलेका भिडियोहरू सामाजिक सञ्जालमा सार्वजनिक भएका थिए। कतिपय सग्ला नोट प्रदर्शनकारीहरूले लगेका तस्वीर र भिडियोहरू पनि सार्वजनिक भएका थिए। विभागले यसअघि नै खड्काको घरबाट जलेका नोटका केही टुक्रा र वरिपरिबाट खरानी समेत संकलन गरेको थियो। त्यही विषयमा अनुसन्धान गर्न उनलाई पक्राउ गरिएको थियो।
सम्बन्धित खबर
