पृथ्वीराजमार्गअन्तर्गत तनहुँको बन्दीपुर गाउँपालिका–४ विमलनगरमा ट्रकको ठक्करबाट गोरखाका ६१ वर्षीय खुदबहादुर थापाको मृत्यु भएको छ। दमौलीबाट आँबुखैरेनीतर्फ जाँदै गरेको ग्यास सिलिन्डर बोकेको ट्रकले बाटो काट्ने क्रममा उनलाई ठक्कर दिएको थियो। घाइतेलाई उपचारका लागि प्रदेश अस्पताल दमौली ल्याइएको थियो र चिकित्सकले बिहीबार साँझ ५:४८ बजे मृत घोषणा गरेका थिए।
जिल्ला प्रहरी कार्यालय तनहुँका अनुसार, मृत्यु हुने व्यक्तिको नाम खुदबहादुर थापा रहेको पुष्टि भएको छ। प्र३–०१–००३क ४८९८ नम्बरको ट्रकले ठक्कर दिएको घटनामा प्रहरीले ट्रक र चालकलाई नियन्त्रणमा लिएको छ।
