नेपाल र यूएईबीच सोमबार र मंगलबार हुन लागेको ‘अन्डर लाइट्स टी-२० क्रिकेट’ शृङ्खलाले नेपालका लागि तीन महत्वपूर्ण पक्ष उजागर गर्दछ। पहिलो, दुई वर्षपछि नेपालमा फेरि अन्तर्राष्ट्रिय क्रिकेट प्रतियोगिता आयोजना हुने छ। दोस्रो, कीर्तिपुर रंगशालाको कृत्रिम प्रकाशमा संचालन हुने यो पहिलो अन्तर्राष्ट्रिय प्रतिस्पर्धा हो। तेस्रो, अस्ट्रेलियाली प्रशिक्षक स्टुअर्ट लले नेपाली राष्ट्रिय पुरुष टोली सम्हालेयता घरेलु मैदानमा पहिलोपटक आयोजना हुन लागेको प्रतियोगिता हो। दीपेन्द्र सिंह ऐरीको कप्तानीमा आज साँझ ५ बजेदेखि खेल सुरु हुनेछ र टिकटको मूल्य ७५० रुपैयाँ तोकिएको छ। शृङ्खलाको मुख्य आकर्षण नेपाल र यूएईबीचको प्रतिद्वन्द्विता नै हो, जुन खेल दर्शकहरूमा सधैं चासोको विषय बन्ने गरेको छ।
कईलाई सम्झना होला, नेपाल र यूएईबीचको पछिल्लो भेट टी-२० विश्वकप छनोट २०२६ को लागि ओमानमा भएको थियो। त्यहाँ एक रोमाञ्चक खेलमा नेपालले अन्तिम ओभरको अन्तिम बलमा यूएईलाई १ रनले पराजित गर्दै विश्वकपको टिकट कटाएको थियो। दीपेन्द्र सिंह ऐरीको कप्तानीमा नेपाली टोली पहिलो पटक टी-२० शैलीमा मैदानमा उत्रँदैछ, जुन नयाँ र रोमाञ्चक पक्ष हो।
नेपाल सरकारले कीर्तिपुर क्रिकेट मैदानलाई रातारात तयार पारेको थियो। ठेकेदार कम्पनीले आवश्यक समयमा काम नसरेपछि दर्जनौं लाख रुपैयाँ जरिवाना तिरेपछि नेपालको पहिलो फ्लड लाइटसहितको अन्तर्राष्ट्रिय रंगशाला सम्पन्न भयो। नेपालले सन् २०२४ को जून महिनामा टी-२० विश्वकप अमेरिका र वेस्ट इन्डिजमा खेलेको थियो भने यसै वर्ष फेब्रुअरीमा मुम्बईको वानखेडे रंगशालामा अर्को विश्वकप खेलेको छ।
अस्ट्रेलियाका स्टुअर्ट ललाई दक्ष प्रशिक्षक मानिन्छ। उनले प्रतियोगिता अघि दुई राष्ट्रिय टोली बनाएर एकदिवसीय र टी-२० आई शैली अनुसार फरक रणनीति अपनाउने संकेत दिइसकेका छन्। दीपेन्द्र सिंह ऐरीलाई टी-२० टोलीको नेतृत्व दिएर रोहित पौडेलसहितका वरिष्ठ खेलाडीलाई विश्राम दिँदै टोलीको संरचना परिवर्तन गरीसकेका छन्। अब पाँच हप्ताभित्र उनले लिग-२ का आठ खेलमा सकारात्मक नतिजा निकाल्नुपर्ने दबाबमा छन्।
