सरकारले थापाथलीस्थित बागमती नदी किनारमा रहेको सुकुमवासी बस्तीका संरचनाहरू भत्काएको छ। ६ वटा परिवारलाई त्रिपुरेश्वरस्थित दशरथ रंगशालामा लगेर स्क्रीनिङ गरी बसोबासको व्यवस्था मिलाइएको छ। प्रहरीले १२–१३ जना मात्र घरबारविहीन भएर सम्पर्कमा आएको जानकारी दिएको छ।
१२ वैशाख, काठमाडौं। सरकारले थापाथलीस्थित बागमती नदी किनारमा रहेको सुकुमवासी बस्तीका संरचनाहरू भत्काएको छ। सरकारका प्रवक्ता सस्मित पोखरेलको सचिवालयका अनुसार, बस्ती पूर्ण रूपमा खाली भएको छ। थापाथली क्षेत्रमा बसोबास गर्दै आएका मध्ये आफू घरबारविहीन भएको भन्दै ६ वटा परिवार मात्र सम्पर्कमा आएको बताइएको छ। ६ परिवारका सदस्यहरूलाई त्रिपुरेश्वरस्थित दशरथ रंगशालामा लगिएको छ। रंगशालामा उनीहरूको ‘स्क्रीनिङ’ गरेर बसोबासको प्रवन्ध मिलाउने सरकारको योजना छ।
सरकारले शनिबार बिहानदेखि बस्तीका टहरा हटाउन सुरु गरेको थियो। त्यसअघि आफैं स्थानान्तरण गर्न चाहनेलाइ प्रहरीको समन्वयमा गन्तव्यमा पुगेका थिए। प्रहरीले दिएको जानकारी अनुसार, रंगशालामा १२–१३ जना मात्र घरबारविहीन भएर सम्पर्कमा आएका छन्।
