१७ वैशाख, काठमाडौं । इरानका सर्वोच्च नेता मोजतबा खामेनीले फारसको खाडीको भविष्य अमेरिकामुक्त हुने बताएका छन्। बिहीबार फारसको खाडी दिवसका अवसरमा आयोजित एक बयानमा उनले फारसको खाडीमा समुद्री गहिराइबाहेक विदेशीलाई अन्य ठाउँ नभएको बताएका छन्।
‘इरान फारसको खाडी र स्ट्रेट अफ होर्मुजको लागि नयाँ अध्याय सुरु गर्नेछ,’ खामेनीले भनेका छन्, ‘फारसको खाडीको भविष्य अमेरिकामुक्त हुनेछ।’ खामेनीले फारसको खाडीमा भविष्यमा कुनै अमेरिकी हस्तक्षेप नहुनसक्ने पनि बताएका छन्। साथै, इरानले स्ट्रेट अफ होर्मुजमा नयाँ व्यवस्था लागू गर्न लागेको पनि उनले जनाएका छन्।
