१७ वैशाख, काठमाडौं । राष्ट्रपति रामचन्द्र पौडेलले सार्वजनिक खरिदसम्बन्धी अध्यादेश जारी गरेका छन् । सरकारले सिफारिस अनुसार राष्ट्रपति पौडेलले सार्वजनिक खरिद (दोस्रो संशोधन) अध्यादेश, २०८३ जारी गरेको राष्ट्रपतिका प्रवक्ता रितेशकुमार शाक्यले जानकारी दिएका छन्। संविधानको धारा ११४ को उपधारा १ अनुसार यो अध्यादेश जारी गरिएको हो।
राष्ट्रपति पौडेलले आजै सहकारीसम्बन्धी अध्यादेश पनि जारी गरेका थिए। सरकारले अन्य केही अध्यादेशहरू पनि जारी गर्नका लागि राष्ट्रपतिसमक्ष सिफारिस दिएको थियो। संवैधानिक परिषद्, केही नेपाल ऐन, स्वास्थ्य विज्ञान प्रतिष्ठान, विश्वविद्यालय र सार्वजनिक पदाधिकारी पदमुक्ति सम्बन्धी अध्यादेशहरू पनि राष्ट्रपतिसमक्ष प्रस्तुत गरिएको थियो। अन्य अध्यादेशहरूबारे राष्ट्रपति पौडेलले अध्ययन गरिरहनुभएको छ। आजै केही कानुनविद्हरूसँग शीतल निवासमा बसेर अध्यादेशमाथि छलफल पनि गरेका थिए।
