जनमत पार्टीका महासचिव चन्दन सिंह, २१ वैशाख, काठमाडौँ। जनमत पार्टीका बहुमत सांसदहरूले कांग्रेसका कृष्ण यादव नेतृत्वको मधेश प्रदेश सरकारले पाएको समर्थन फिर्ता लिएका छन्। पार्टीका ९ जना सांसदहरूले समर्थन फिर्ता गर्ने पत्र पठाएका छन्। महासचिव चन्दन सिंहका अनुसार पार्टीका राष्ट्रिय अध्यक्ष सिके राउतसँगको सल्लाहमा संसदीय दलका बहुमत सदस्यहरूले मधेश सरकारलाई दिएको समर्थन फिर्ता लिने निर्णय गरेका हुन्।
‘सरकार गठन भएयता मधेश प्रदेशमा मुख्यमन्त्रीले गरेका कामहरू उपयुक्त थिएनन्, त्यसैले हामीले हाम्रो पार्टीको समर्थन फिर्ता लिने निर्णय गरेका हौं’ महासचिव सिंहले भने।
मधेश सरकारमा जनमत पार्टीबाट संसदीय दलका नेता छन् र महेश यादव अर्थमन्त्री तथा बसन्त कुशवाहा युवा तथा समाजकल्याण मन्त्री छन्। प्रदेश सभामा जनमत पार्टीका अहिले १२ जना सदस्यहरू छन्। उनीहरू मध्ये बविताकुमारी राउत उपसभामुख छिन्। मधेश प्रदेशमा एमाले बाहेक सबै दलहरूले मिलेर सरकार गठन गरेका छन्। जनमत पार्टीका सांसदहरूको यो निर्णयले कांग्रेस नेतृत्वको सरकारको विकल्पमा नयाँ गठबन्धन बन्ने संकेत देखाएको छ।
१०७ सदस्यीय प्रदेश सभामा बहुमतका लागि ५४ जनाको आवश्यकता पर्छ। प्रदेश सभामा हाल नेकपा एमालेका २४, नेपाली कांग्रेसका २२, जसपा नेपालका १८, जनमतका १२, नेकपा माओवादी केन्द्रका ९, लोसपाका ८, नेकपा एकीकृत समाजवादीका ७ सांसद छन्। त्यस्तै, राप्रपा नेपाल, नागरिक उन्मुक्ति पार्टी र नेपाल सङ्घीय समाजवादी पार्टीका एक-एक सिट रहेका छन्।
सम्बन्धित खबर
