न्यूयोर्क सिटी बाहिर रहेको विमानस्थलमा अवतरण गर्ने क्रममा यूनाइटेड एयरलाइन्सको एउटा विमान बिजुलीको खम्बा र लरीसँग ठोकिएको छ। न्यूअर्क लिबर्टी अन्तर्राष्ट्रिय विमानस्थलमा सामान ओसार्ने लरीमा रहेको ड्याशक्यामले त्यस बेलाको दृश्य कैद गरेको छ। घटना त्यतिखेर भएको थियो, जब उक्त लरी विमानस्थलको एउटा धावनमार्ग नजिकै सडकमा गुड्दै थिई।
भेनिसबाट आएको विमानमा चालक दलका सदस्यहरू सहित कुल २३१ जना सवार थिए। विमान सुरक्षित रूपमा रोकियो, तर लरीका चालकलाई सामान्य चोटपटक लागेको छ। नेशनल ट्रान्सपोर्टेशन सेफ्टी बोर्डले उक्त घटनाबारे अनुसन्धान सुरु गरेको छ। अमेरिकामा विमानसँग सम्बन्धित दुर्घटना छानबिन गर्ने सरकारी निकायले यूनाइटेड एयरलाइन्सलाई ककपिट भ्वाइस रेकर्डर र फ्लाइट डेटा रेकर्डर उपलब्ध गराउन निर्देशन दिएको छ। उक्त एयरलाइन्सको मर्मत टोलीले विमानमा पुगेको क्षतिको आकलन गर्न थालेको छ।
