२३ वैशाख, काठमाडौं । कान्तिपुर थिएटरमा नयाँ नाटक ‘महाभारत’ मञ्चन हुन लागेको छ। नाटकघरले नयाँ नाटकको घोषणा गर्दै यसको जानकारी सार्वजनिक गरेको हो। ‘महाभारत’ नाटक नवीन भट्टले निर्देशन गर्नेछन्। मञ्चन मिति र कलाकारहरूको विवरण भने अझै सार्वजनिक हुन बाँकी छ।
यसअघि कान्तिपुर थिएटरमा ‘सेतो धरती’ मञ्चन भइसकेको छ, जुन अमर न्यौपानेको मदन पुरस्कार विजेता कृति हो। त्यस्तै, ‘मीरा’, ‘शिरीषको फूल’, ‘महारानीको जात्रा’ लगायतका नाटकहरू पनि यहाँ मञ्चित भइसकेका छन्। पछिल्लो समय कान्तिपुर थिएटरले साहित्यिक कृतिमाथि आधारित नाटकहरू प्रस्तुत गर्दै आएको छ।
