सूचना अनुसार, चालु आर्थिक वर्षको चैत महिनासम्म वाणिज्य बैंकहरूको कर्जा ब्याजदर १.४८ प्रतिशतले घटेर ६.७७ प्रतिशतमा झरेको छ। विकास बैंकहरूको कर्जा ब्याजदर २०८२ चैत मसान्तमा ७.९६ प्रतिशत र वित्त कम्पनीहरूको ९.२६ प्रतिशत रहेको छ। चालु आवको चैत महिनासम्म वाणिज्य बैंकहरूको निक्षेप ब्याजदर ३.४० प्रतिशत, विकास बैंकहरूको ३.७७ प्रतिशत र वित्त कम्पनीहरूको ४.७४ प्रतिशत कायम छ। २८ वैशाख, काठमाडौं।
चालु आर्थिक वर्षको चैत महिनासम्म बैंकहरूको कर्जा ब्याजदर १.४८ प्रतिशतले घटेको छ। वित्तीय प्रणालीमा बढी तरलता भएसँगै कर्जा माग नबढ्दा ब्याजदरमा गिरावट आएको हो। चालु आवको चैत महिनासम्म वाणिज्य बैंकहरूको कर्जाको भारित औसत ब्याजदर ६.७७ प्रतिशत रहेको छ, जुन गत आवको सोही अवधिको तुलनामा १.४८ प्रतिशतले कम हो। गत आवको चैत महिनासम्म बैंकहरूको कर्जाको औसत ब्याजदर ८.२२ प्रतिशत थियो।
विकास बैंकहरूको कर्जा ब्याजदर ७.९६ प्रतिशत र वित्त कम्पनीहरूको ९.२६ प्रतिशत रहेको कुरा केन्द्रीय बैंकले जनाएका छन्। २०८१ को चैत महिनासम्म विकास बैंकहरूको ब्याजदर ९.५९ प्रतिशत र वित्त कम्पनीहरूको १०.४० प्रतिशत थियो। चालु आव २०८२ चैत महिनासम्म वाणिज्य बैंकहरूको निक्षेपको भारित औसत ब्याजदर ३.४० प्रतिशत, विकास बैंकहरूको ३.७७ प्रतिशत र वित्त कम्पनीहरूको ४.७४ प्रतिशत रहेको छ। २०८१ को चैतसम्म वाणिज्य बैंकहरूको निक्षेप ब्याजदर ४.४५ प्रतिशत, विकास बैंकहरूको ५.२२ प्रतिशत र वित्त कम्पनीहरूको ६.२४ प्रतिशत रहेको थियो।
