म्यान्चेस्टर सिटीले चेल्सीलाई १–० गोलले पराजित गर्दै इंग्लिश एफए कप फुटबलको उपाधि जित्न सफल भयो। शनिबार राती वेम्बलीमा सम्पन्न फाइनल खेलको ७२औं मिनेटमा एन्टोइन सेमेन्योले गरेको निर्णायक गोलले सिटीलाई विजयी बनायो। उक्त गोलमा एर्लिङ हालान्डले सहायता प्रदान गरेको पास थियो। खेलको पहिलो हाफ गोलरहित बराबरीमा सकिए पनि दोस्रो हाफमा सिटीले दबाब बढाउँदै सेमेन्योमार्फत निर्णायक गोल गर्यो।
उपाधि जितेपछि सिटीका कप्तान बर्नार्डो भावुक भएका थिए। खेलपछि उनले बीबीसीसँग कुरा गर्दै भने, ‘मैले यहाँ आइपरेदेखि २० वटा ट्रफी जितिसकेको छु, यो कुनै कम उपलब्धि होइन। म म्यान्चेस्टर सिटीलाई धेरै माया गर्छु। प्रशिक्षकसँग बिताएका प्रत्येक क्षण अविस्मरणीय छन्।’ यो म्यान्चेस्टर सिटीको आठौं एफए कप उपाधि हो।
सम्बन्धित खबर
