शुक्रबार सुनको मूल्य तोलामा १०० रुपैयाँले घटेर २ लाख ९३ हजार ७ सय रुपैयाँ कायम भएको छ। नेपाल सुनचाँदी व्यवसायी महासंघले सुनको नयाँ मूल्य सार्वजनिक गरेको छ। चाँदीको मूल्य तोलामा ६५ रुपैयाँले बढेर ५ हजार ११५ रुपैयाँ पुगेको छ। ८ जेठ, काठमाडौं।
शुक्रबार सुनको मूल्य तोलामा १०० रुपैयाँले घटेको छ। अघिल्लो दिन सुनको मूल्य तोलामा १ हजार ८ सय रुपैयाँले बढेको थियो भने आज त्यसमा १०० रुपैयाँले मात्र घट भएको हो। नेपाल सुनचाँदी व्यवसायी महासंघले आजका लागि सुनको मूल्य तोलामा २ लाख ९३ हजार ७ सय रुपैयाँ तोकेको छ। अघिल्लो दिन सुनको मूल्य २ लाख ९३ हजार ८ सय रुपैयाँ थियो।
त्यस्तै गत शुक्रबार सुनको मूल्य २ लाख ९८ हजार ५ सय रुपैयाँमा कारोबार भएको थियो। चाँदीको मूल्य आज तोलामा ६५ रुपैयाँले बढेको छ। अघिल्लो दिन चाँदीको मूल्य तोलामा ५ हजार ५० रुपैयाँ रहेकोमा आज ५ हजार ११५ रुपैयाँ कायम भएको छ। गत शुक्रबार चाँदीको मूल्य ५ हजार ३९० रुपैयाँमा कारोबार भएको थियो।
