जेठ ९ गते दरबारमार्गमा ‘एक्स्ट्रिम स्याटर्डे’ स्ट्रिट फेस्टिभल ‘एक्स्ट्रिम इनर्जी ड्रिङ्क’को मुख्य प्रायोजनमा आयोजना हुनेछ। फेस्टिभलमा बालबालिका खेल, बास्केटबल, इ–स्पोट्र्स, सांस्कृतिक झाँकी, फोटो बुथ, खानाका स्टल र डिजे प्रस्तुति रहनेछन्। जोन एण्ड द लोकल्स, द एक्स, फोल्कट्रोनिक्स लगायत ब्यान्डको प्रस्तुति हुनेछ र रेमन दास श्रेष्ठले कार्यक्रम सञ्चालन गर्नेछन्।
काठमाडौंको केन्द्र दरबारमार्गमा फेरि नयाँ रौनक छाउने भएको छ। जेठ ९ गते (शनिबार) दरबारमार्ग स्ट्रिट फेस्टिभल आयोजना हुने भएको हो। यस वर्ष ‘एक्स्ट्रिम इनर्जी ड्रिङ्क’ को मुख्य प्रायोजनमा यो उत्सव हुने भएको हो। ‘एक्स्ट्रिम स्याटर्डे’का रूपमा फेस्टिभललाई अझ ऊर्जावान् बनाइने प्रायोजक कम्पनीले संसूचित गरेको छ।
दरबारमार्ग विकास बोर्डको पहलमा माभरिक्स ग्रुप र आर्बिट्ररी इभेन्ट्सद्वारा आयोजित यस महोत्सवले सबै उमेर समूहका दर्शकलाई भरपुर मनोरञ्जन दिने लक्ष्य राखेको छ। हरेक वर्षझैँ स्ट्रिट फेस्टिभलको मजा निःशुल्क लिन सकिनेछ। महोत्सवले पारिवारिक मनोरञ्जनको माहोल प्रदान गरिनेछ।
बालबालिकाका लागि विभिन्न खेल, बास्केटबल, इ–स्पोट्र्स, सांस्कृतिक झाँकीहरू र फोटो बुथहरू समेत समावेश गरिएका छन्। मेलामा विभिन्न स्वादका खानाका साथै ताजा पेय पदार्थका स्टल स्थापना गरिनेछन्। मुख्य स्टेजसँगै सहायक स्टेजमा डिजेहरूको धमाकेदार प्रस्तुति रहनेछ। जोन एण्ड द लोकल्स, द एक्स, फोल्कट्रोनिक्स, एस टी म्यान, जे अथर, सालिन मगर एण्ड ब्याण्ड, प्रिजोल नेपाली एण्ड सरर, गन एल्भिस ब्यान्डले प्रस्तुति दिनेछन्। कार्यक्रमलाई लोकप्रिय प्रस्तोताहरू रेमन दास श्रेष्ठ, रुविष्का श्रेष्ठ, सुदित श्रेष्ठ र सलिना महर्जनले सञ्चालना गर्नेछन्।
