९ जेठ, काठमाडौं । प्रधानमन्त्री नरेन्द्र मोदी र अमेरिकी विदेशमन्त्री मार्को रुबियोबीच भएको भेटवार्तासम्बन्धी जानकारी भारतका लागि अमेरिकी राजदूत सर्जियो गोरले सार्वजनिक गरेका छन्। सामाजिक सञ्जालमा सर्जियो गोरले भनेका छन्, ‘विदेशमन्त्री मार्को रुबियोसँगै प्रधानमन्त्री नरेन्द्र मोदीको बैठकमा सहभागी हुन पाउन पाउँदा मलाई एकदमै राम्रो अनुभव भयो।’ उनले थपे, ‘हामीले सुरक्षा, व्यापार र महत्वपूर्ण प्रविधिका क्षेत्रमा भारत-अमेरिका सहकार्यलाई अझ सशक्त बनाउनका उपायहरूबारे छलफल गर्यौं। यी यस्ता क्षेत्रहरू हुन् जसले दुवै देशलाई बलियो बनाउँछन्। भारत अमेरिकाको एक अत्यन्त महत्वपूर्ण साझेदार हो।’
अर्को पोस्टमा सर्जियो गोरले भनेका छन्, ‘विदेशमन्त्री मार्को रुबियोले राष्ट्रपति ट्रम्पको तर्फबाट प्रधानमन्त्री नरेन्द्र मोदीलाई ह्वाइट हाउसमा भेटघाटका लागि आधिकारिक निमन्त्रणा दिएका छन्।’ यस्तैगरी प्रधानमन्त्री नरेन्द्र मोदीले पनि सामाजिक सञ्जालमा लेखेका छन्, ‘अमेरिकी विदेशमन्त्री मार्को रुबियोलाई स्वागत गर्न पाउँदा मलाई खुशी लागेको छ।’ उनले थपे, ‘हामीले भारत-अमेरिका बीचको व्यापक विश्वव्यापी रणनीतिक साझेदारीमा निरन्तर प्रगति, विश्वव्यापी शान्ति र सुरक्षासँग सम्बन्धित विषयहरूमा छलफल गर्यौं। भारत र अमेरिकाले विश्वव्यापी भलाइका लागि मिलेर काम गर्न जारी राख्नेछन्।
सम्बन्धित खबर
