गण्डकी प्रदेशसभाको बजेट अधिवेशन आजदेखि सुरु हुँदै

११ जेठ, गण्डकी। गण्डकी प्रदेशसभाको बजेट अधिवेशन आजदेखि सुरु हुँदैछ। प्रदेशसभा सचिवालयका सचिव गोविन्द पौडेलका अनुसार, अपराह्न २ः०० बजे बस्ने प्रदेशसभा बैठकमा आगामी आर्थिक वर्ष २०८३/०८४ को नीति तथा कार्यक्रमको सैद्धान्तिक छलफलका लागि प्रस्ताव पेश गर्ने लगायतका कार्यसूची रहेको छ। प्रदेश प्रमुख डिल्लीराज भट्टले गण्डकी प्रदेश सरकारको मन्त्रिपरिषद्को सिफारिसमा यही जेठ ५ गते बजेट अधिवेशन आह्वान गरेका थिए। वर्षे अधिवेशनको रूपमा समेत मानिने यस बजेट अधिवेशनमा प्रदेश सरकारको आगामी आर्थिक वर्षको नीति, कार्यक्रम तथा बजेट प्रस्तुति गरिने जनाइएको छ। -रासस