गर्मीको समयमा घरमा माउसुलीको वृद्धि र यसलाई हटाउने घरेलु उपायहरू

गर्मी मौसममा घरभित्र आउने माउसुलीले खानेकुरा दूषित पार्ने र स्वास्थ्य समस्या निम्त्याउने जोखिम हुन्छ। गर्मीको आगमनसँगै माउसुलीको मौसम पनि शुरू हुन्छ। यी साना किराहरू घरको हरेक कुनामा देखिन्छन्। भित्ताहरू, भान्सा र सुत्ने कोठाका कुनामा माउसुलीहरू घुमिरहेका देखिन्छन्। माउसुलीहरू बढी प्रकाश भएको, ओसिलो र साना कीराहरू भएका स्थानहरूमा बढी आउने सम्भावना हुन्छ। गर्मी मौसममा घरभित्र आउने कीरा, विशेष गरी बत्तीमा झुम्मिन आउने पुतली र अन्य कीराहरू खानका लागि माउसुली निकै सक्रिय हुन्छ। यसले हाम्रो दैनिकीमा बाधा पुर्याउँछ। दूध, पानी लगायत अन्य खानेकुराहरूमा डुब्ने, सुतेका बेला सुत्ने ठाउँमा हिँडेर सताउने गर्छ। माउसुलीले डुबाएका वा जुठो गरेका खाना विषालु हुन सक्छन्। त्यसैले यस्ता खानाहरू अनजानेमा खाएमा स्वास्थ्य समस्या निम्तिन सक्छ। खासगरी बालबालिकाहरू यसको बढी जोखिममा हुन्छन्। कतिपय साना बच्चाहरू माउसुली देखेर डराउने र आत्तिने पनि गर्छन्। यी कारणले माउसुली हटाउनु आवश्यक छ।

यसका लागि विभिन्न विधिहरू प्रयोग गर्न सकिन्छ। फिटकीरीको धूलो यो सजिलो घरेलु उपचार हो। धेरैले माउसुली टाढा राख्न फिटकीरीको धूलो प्रयोग गर्छन्। पातलो कपडामा फिटकीरीको धूलो हालेर साना पोका बनाउने र तिनीहरूलाई धागोमा झुण्ड्याउने। यी पोकाहरू माउसुली बढी आउने ठाउँहरू जस्तै झ्याल, ढोका, कोठाका कुनाहरू र बत्तीनजिक राख्ने। यसको गन्धले माउसुली टाढा भाग्छ। अण्डाको बोक्रा झुण्ड्याउने सियो र धागो प्रयोग गरेर अण्डाको बोक्राको माला बनाउने र माउसुली बढी हुने ठाउँमा झुण्ड्याउने। यो माला देख्ने बित्तिकै माउसुली डराएर भाग्छ। प्याज र लसुनको प्रयोग प्याज र लसुनको ताजा गन्धले पनि माउसुलीलाई भगाउँछ। सियो र धागोको सहायता लिएर प्याज र लसुनका टुक्राहरू तानेर माउसुली आउने ठाउँमा राख्नुस्। यसको गन्धले माउसुली टाढा जान्छ।