तनहुँमा एसियाली विकास बैंकको २२७ मिलियन अमेरिकी डलर लगानीमा १२६ मेगावाट क्षमताको तल्लो सेती जलविद्युत् आयोजना निर्माण हुने तयारी गरिएको छ। आयोजनाका प्रमुख हरिकुमार श्रेष्ठले आयोजनामा ७० प्रतिशत ऋण र ३० प्रतिशत स्वपूँजी रहने जानकारी दिए। विद्युत गृह र कर्मचारी आवासका लागि देवघाट गाउँपालिकामा आवश्यक पर्ने करिब १४६ रोपनी जग्गा अधिग्रहण प्रक्रियासमेत सुरु गरिएको छ।
११ जेठ, तनहुँ। तनहुँमा १२६ मेगावाट क्षमताको तल्लो सेती जलविद्युत् आयोजनाको निर्माण शुरु हुँदैछ। एसियाली विकास बैंकबाट २२७ मिलियन अमेरिकी डलर लगानी, ३० प्रतिशत स्वपूँजी र ७० प्रतिशत ऋणमा यो आयोजना निर्माण हुने जानकारी आयोजना प्रमुख हरिकुमार श्रेष्ठले दिए। अर्धजलाशययुक्त यस आयोजनाको बाँध तनहुँको बन्दीपुर–६ र देवघाट गाउँपालिका–३ मा पर्नेछ। विद्युत गृह, कर्मचारी आवास र मुख्य सुरुङ देवघाट गाउँपालिका–३ र ४ मा पर्नेछ। श्रेष्ठले विद्युत गृह र कर्मचारी आवास निर्माणका लागि आवश्यक करिब १४६ रोपनी जग्गा अधिग्रहण प्रक्रिया सुरु भइसकेको बताए।
