११ जेठ, जनकपुरधाम । जनकपुर–जयनगर रेलमार्गमा किचिएर एक महिलाको मृत्यु भएको छ । सोमबार साँझ ५:३२ बजे, जयनगरबाट जनकपुरतर्फ आउँदै गरेको रेल धनुषा विदेह नगरपालिका–९ बैदेही स्टेशनबाट करिब ६ सय मिटर पूर्वमा दुर्घटना भएको हो । धनुषा प्रहरीका प्रवक्ता मधुसुधन न्यौपानेका अनुसार करिब ३० वर्षे उक्त महिलाको टाउको रेलले किचिएर घटनास्थलमै मृत्यु भएको छ । जिल्ला प्रहरी कार्यालय धनुषाले घटनाबारे थप अनुसन्धान भइरहेको जनाएको छ । प्रहरीका अनुसार मृतकको परिचय अहिलेसम्म खुलेको छैन ।
