मधेसमा मन्त्रिपरिषद्को विस्तार: पाँच नयाँ मन्त्रीहरूको नियुक्ति

१२ जेठ, जनकपुरधाम । मधेस प्रदेश सरकारले मन्त्रिपरिषद्को विस्तार गरेको छ। मुख्यमन्त्री कृष्णप्रसाद यादवको सिफारिसमा प्रदेश प्रमुख सुरेन्द्र लाभ कर्णले पाँच मन्त्रीहरूलाई नयाँ पदमा नियुक्त गरेका छन्। अर्थ मन्त्रालयमा नेकपाका युवराज भट्टराई, भौतिक पूर्वाधार मन्त्रालयमा एमालेका मोहम्मद समिर, श्रम तथा यातायात मन्त्रालयमा शारदादेवी थापा, युवा तथा समाज कल्याण मन्त्रालयमा लखनदास र शिक्षा तथा संस्कृति मन्त्रालयमा मनोज सिंह नियुक्त भएका छन्। त्यस्तै, कांग्रेसबाट स्वास्थ्य मन्त्रालयमा नगेन्द्र शाहलाई नियुक्त गरिएको छ। यसअघि यो मन्त्रालय जंगीलाल रायले सम्हाल्दै आएका थिए र उनलाई हटाइएको छ। नवनियुक्त मन्त्रीहरूले आजै पद तथा गोपनीयताको शपथ ग्रहण गरेका छन्।