परीक्षणको क्रममा ब्लू ओरिजिनको रकेटमा ठूलो विस्फोट भएको छ। यो घटना बिहीबार राति संयुक्त राज्य अमेरिकाको फ्लोरिडा राज्यको केप कन्याभरलस्थित प्रक्षेपणस्थलमा भएको हो। खर्बपति व्यापारी जेफ बेजोसले सन् २००० मा अन्तरिक्ष प्रविधि क्षेत्रमा काम गर्ने ब्लू ओरिजिन कम्पनीको स्थापना गरेका थिए।
विस्फोट ‘हटफायर टेस्ट’ भनिने उडानपूर्व परीक्षणको क्रममा भएको थियो। विस्फोटनपछि कोही पनि घाइते वा मृत्यु नभएको बताइएको छ। कम्पनीले यस घटनालाई “असामान्य” घटनाका रूपमा वर्णन गरेको छ।
