१६ जेठ, काठमाडौं । एसियन गेम्स महिला क्रिकेट छनोटअन्तर्गत नेपालले सेमिफाइनलमा मलेसियासँग प्रतिस्पर्धा गर्दैछ। मलेसियाको बायुमास ओभलमा टस जित्दै नेपालले ब्याटिङ रोजेको छ। यदि यो खेल जित्यो भने नेपाल एसियन गेम्समा छनोट हुनेछ। अर्को सेमिफाइनलमा थाइल्यान्डले चीनलाई पराजित गर्दै फाइनलमा स्थान बनाएको छ र एसियन गेम्समा छनोट पनि सुनिश्चित गरेको छ। नेपालले छनोट प्रतियोगिताअघि मलेसियासँग दुई टी२० इन्टरनेशनल खेल खेल्दा दुवैमा विजयी हासिल गरेको थियो।
