सप्तरीको विष्णुपुर गाउँपालिका–५ कट्टीमा दुईवटा मोटरसाइकल एकआपसमा ठोक्किँदा राजविराजका २३ वर्षीय छोटेलाल यादवको मृत्यु भएको छ। दुर्घटनामा गम्भीर घाइते भएका यादवको राजविराजस्थित छिन्नमस्ता अस्पतालमा उपचारका क्रममा मृत्यु भएको प्रहरीले जनाएको छ। २२ जेठ, काठमाडौं।
दुर्घटनामा घाइते भएका अर्का मोटरसाइकल चालकको सोही अस्पतालमा उपचार भइरहेको छ। बीआर ५०–०६२८८ नम्बरको मोटरसाइकल र ना. २२ प ३२८५ नम्बरको मोटरसाइकल एकआपसमा ठोक्किएर दुर्घटना भएको थियो। दुर्घटनामा मृत्यु भएका छोटेलाल यादव राजबिराज नगरपालिका–१२ सिंगियौनका निवासी थिए। नेपाल प्रहरीले यस घटनाबारे जानकारी दिएको छ।
