यू-१६ राष्ट्रिय जिम्न्याष्टिकमा रिसब र त्रिसाले स्वर्ण पदक जिते, एभरेष्ट इङ्लिस स्कुल च्याम्पियन

यू–१६ राष्ट्रिय विद्यालयस्तरीय जिम्न्याष्टिक प्रतियोगितामा केटाकेटीको तर्फबाट लनर्स एकेडेमीका रिसब जकिबन्जर र केटीहरूको तर्फबाट बाल दीक्षा सदनकी त्रिसा महर्जनले स्वर्ण पदक जितेका छन्। मिक्स टिम स्पर्धामा एभरेष्ट इङ्लिस स्कुलले उपाधि जितेको छ भने दुई दिनको प्रतियोगितामा ६२ वटा विद्यालयका १९६ खेलाडीले प्रतिस्पर्धा गरेका थिए। २४ जेठ, काठमाडौं।

प्रतियोगितामा व्यक्तिगत स्पर्धामा केटाकेटीको तर्फबाट रिसब र केटीहरूको तर्फबाट त्रिसा पहिलो स्थानमा पुगेका छन्। केटाकेटीको तर्फबाट नेपाल पुलिस स्कुलका असल जोशी र ख्वपरिङ इङलिस एकेडेमीका ब्रयान लवाजुले दोस्रो स्थान हात पारे भने प्रभातका लिजा अवाल तेस्रो भए। केटीहरूको तर्फबाट काष्ठमण्डपकी पुण्य श्रेष्ठले दोस्रो स्थान हासिल गरे भने लिटिल एन्जल्सकी आराध्या महत र रोज बडकी हर्षली रन्जित तेस्रो स्थानमा परे।

नेपाल जिम्न्याष्टिक संघ र नेपाल विद्यालय खेलकुद महासंघ (एनएसएसएफ) को संयुक्त आयोजनामा भएको प्रतियोगितामा टिम स्पर्धामा एभरेष्ट इङ्लिस स्कुलले च्याम्पियन टिमको उपाधि जित्यो। यसैगरी विजेश्वरी ज्ञान मन्दिर सैनिक महाविद्यालय दोस्रो र एसओएस सानोथिमि तेस्रो स्थानमा रहे।

नेपाल जिम्न्याष्टिक संघका अध्यक्ष ध्रुवबहादुर प्रधान र पूर्व सांसद माधव सापकोटा लगायतले विजेता टिम र खेलाडीहरूलाई पुरस्कार वितरण गरेका थिए। त्रिपुरेश्वरस्थित राष्ट्रिय खेलकुद परिषद् (राखेप) को हातामा दुई दिनसम्म चलेको प्रतियोगितामा विभागीय टोलीसहित ६२ विद्यालयका कुल १९६ खेलाडी सहभागी थिए। आयोजक एनएसएसएफका महासचिव राजकुमार कार्कीले विद्यालय तहबाटै जिम्न्याष्टिक खेलाडी उत्पादन गर्ने नियतका साथ यू-१६ प्रतियोगिता आयोजना गरिएको जानकारी दिए।

ध्रुवबहादुर प्रधानले जिम्न्याष्टिक खेललाई मदर स्पोर्ट्स भनेर चिनिन्छ भन्दै विद्यालय स्तरबाट यस्ता प्रतियोगिता संचालन हुँदा यस खेलको विकासमा ठूलो सहयोग पुग्ने बताए।