२४ जेठ, काठमाडौं। २१औं अन्नपूर्ण चेस प्रतियोगितामा १३ वर्षमाथिका समुहमा मनकामना स्कुल जोरपाटीले पहिलो स्थान हासिल गरेको छ। त्यस्तै, यु–१३ उमेर समुहमा मार्भलेस स्कुलले शीर्ष स्थान प्राप्त गरेको छ। यु–११ उमेर समुहमा कश्यप एकेडेमी प्रथम भए भने यु–९ उमेर समुहमा आयोजक अन्नपूर्ण स्कुलले पहिलो स्थान पाएको छ।
प्रतियोगितामा छात्रा–९ उमेर समुहमा महालक्ष्मी एकेडेमीकी शुभ श्री श्रेष्ठले पहिलो स्थान, भानु माध्यमिक विद्यालयकी इमसिका श्रेष्ठले दोस्रो र दिपज्योती आवासीय माविकी रितिक्का सेढाइले तेस्रो स्थान हासिल गरे। छात्रा यू–११ उमेर समुहमा फ्युचर स्टार एकेडेमीकी ग्लोसी श्रेष्ठ प्रथम, कश्यप एकेडेमीकी प्रशंसा चौधरी दोस्रो र समृद्धि स्कुलकी यशस्वी महर्जन तेस्रो भए।
छात्राको यु–१३ समुहमा मार्भलेसकी निहाना श्रेष्ठले पहिलो स्थान, सोही विद्यालयकी सोनालिका सराफले दोस्रो र आयोजक अन्नपूर्णकी ओजस्वी श्रेष्ठले तेस्रो स्थान जिते। १३ वर्षमाथिका छात्रा समुहमा त्रियोग स्कुलकी परिधि खत्रीले पहिलो, मनकामनाकी अस्मिता दाहालले दोस्रो र जिज्ञासा खनालले तेस्रो स्थान हासिल गरे।
विजयी टोली र खेलाडीहरूलाई काठमाडौँ महानगरपालिका वडा नं २७ का अध्यक्ष योगेश कुमार खड्गी, विद्यालय व्यवस्थापन समितिका अध्यक्ष दिनेश श्रेष्ठ, प्रिन्सिपल चन्द्र प्रकाश राज भण्डारी, डा सघ रत्न बज्राचार्य, विद्यालय व्यवस्थापन समितिका सदस्य दिल चन्द्रानन्द वैद्य र अन्तर्राष्ट्रिय आर्बीटर महेश्वर लाल डंगोलले पुरस्कार प्रदान गरे।
