मेक्सिकोको एस्टाडियो अज्टेका रङ्गशाला विश्वको पहिलो यस्तो स्टेडियम बन्ने छ जसले तीनवटा फिफा विश्वकपको उद्घाटन खेल आयोजना गर्नेछ। अमेरिका, क्यानडा तथा मेक्सिकोको संयुक्त आयोजनामा ११ जून २०२६ देखि ४८ टोलीसम्म सहभागी हुने फिफा विश्वकप सुरु हुँदैछ। ऐतिहासिक एस्टाडियो अज्टेका मैदानमा उद्घाटन खेलमा आयोजक मेक्सिको र दक्षिण अफ्रिका भिड्नेछन्।
विश्व फुटबलको इतिहासमा कतिपय मैदानहरू केवल खेल खेलाउने स्थान मात्र होइनन्, ती आफैंमा जीवित इतिहासको रूपमा स्थापित हुन्छन्। मेक्सिकोको राजधानी मेक्सिको सिटीस्थित एस्टाडियो अज्टेका फुटबल संसारको त्यस्तै एक प्रमुख तीर्थस्थल हो। यस मैदानले तीनवटा फिफा विश्वकप (१९७०, १९८६ र २०२६) का खेलहरू सफलतापूर्वक आयोजना गर्दै विश्वकै पहिलो रङ्गशाला बन्ने गौरवशाली इतिहास रचेको छ।
सन् १९७० को फिफा विश्वकप र पेलेको स्वर्णिम युगमा मेक्सिकोले पहिलो पटक विश्वकप आयोजना गर्दा अज्टेका स्टेडियम प्रतियोगिताको मुख्य केन्द्र थियो। यही मैदानमा ३१ मे १९७० मा आयोजक मेक्सिको र सोभियत संघबीच उद्घाटन खेल सम्पन्न भएको थियो, जुन प्रतिस्पर्धात्मक रुपमा गोलरहित बराबरीमा सकिएको थियो।
सन् २०२६ को फिफा विश्वकप र आधुनिक इतिहासको नयाँ रेकर्ड स्थापना गर्दै अमेरिका, क्यानडा र मेक्सिकोको संयुक्त आयोजनामा आज अर्थात् ११ जून २०२६ देखि सबैभन्दा ठूलो ४८ टोली सहभागी विश्वकपको औपचारिक सुरुवात हुँदैछ। यस खेलसँगै अज्टेका स्टेडियम फिफा विश्वकप इतिहासमा तीनवटा फरक संस्करणका उद्घाटन खेलहरू आयोजना गर्ने विश्वकै पहिलो रङ्गशाला बन्ने छ।
सम्बन्धित खबर
