‘खेल क्षेत्रमा संलग्न हुन महिलाहरूले पढाइ र जागिर सँगै गर्नुपर्छ’ प्रकाशित १३ जून २०२६, १४:०८ +०५४५ महिला खेलाडीहरूले राम्रो तालिमसहित पढाइमा ध्यान दिएर जागिर पाएमा खेलमा दीर्घकाल टिक्न सजिलो हुने कबड्डीकी राष्ट्रिय कप्तान मानमती विष्टले बताएकी छन्। “धनी परिवारका मानिसहरूले त कबड्डी खेल्दैनन्। गरिबका छोराछोरी खेतमा काम गरेकाले बलिया हुन्छन् र खेलमा पनि राम्रो प्रदर्शन गर्छन्। विभिन्न कुराहरूका लागि पैसा आवश्यक परेकोले पढाइ निरन्तरता दिँदै जागिर पाए राम्रो हुन्छ,” कप्तान मानमती विष्टले भनिन्। भर्खरै चीनमा सम्पन्न एशियन बीच गेम्समा नेपाली टोलीले कास्य पदक जितेको थियो। कप्तान मानमती विष्टको कबड्डी यात्रा कसरी सुरु भयो र यो खेलमा संलग्न हुँदा उनीहरूले के कस्ता चुनौतीहरू सामना गरे? हेर्नुहोस् सृजना श्रेष्ठले तयार गरेको यो भिडियोमा।
