सरकारद्वारा सञ्चालन गरिएको राष्ट्रिय पोषण लेखाजोखा अभियानअन्तर्गत देशभरिका १८ हजार ३०९ बालबालिकामा शीघ्र कडा कुपोषण फेला परेको छ। स्वास्थ्य सेवा विभागका अनुसार अभियानको समयमा १० लाख ३५ हजार २०१ बालबालिकाको पोषण अवस्था परीक्षण गरिएको थियो। कडा शीघ्र कुपोषण भएका बालबालिका सबैभन्दा धेरै मधेश प्रदेशमा आठ हजार ३८० जना पाइएका छन्। ३० जेठ, काठमाडौं।
सरकारले सञ्चालन गरेको ‘राष्ट्रिय पोषण लेखाजोखा अभियान’ मा करिब १८ हजार बालबालिका शीघ्र कडा कुपोषणका कारण प्रभावित देखिएका छन्। स्वास्थ्य तथा खाद्य स्वच्छता मन्त्रालयले बालबालिकाहरूको पोषण अवस्थाको बोध गर्न यो अभियान सञ्चालन गरेको हो। उक्त अभियानको तथ्याङ्क सार्वजनिक गर्दै स्वास्थ्य सेवा विभागका पोषण शाखा प्रमुख लिलाविक्रम थापाले १८ हजार ३०९ बालबालिकामा कडा शीघ्र कुपोषण भएको जानकारी दिएका छन्।
उनका अनुसार, अभियानमा परीक्षण भएका १० लाख ३५ हजार २०१ बालबालिकामध्ये १८ हजार ३०९ जना शीघ्र कुपोषित रहेका छन्। त्यस्तै, ८८ हजार २०५ बालबालिकामा शीघ्र कुपोषण पाइएको पोषण शाखा प्रमुख थापाले जानकारी दिएका छन्।
कडा शीघ्र कुपोषण सबैभन्दा बढी मधेश प्रदेशमा आठ हजार ३८०, लुम्बिनी प्रदेशमा तीन हजार १५, सुदूरपश्चिम प्रदेशमा एक हजार ७५८, कोशी प्रदेशमा एक हजार ५९०, कर्णाली प्रदेशमा एक हजार ५०३, बागमती प्रदेशमा एक हजार ४०१ र गण्डकी प्रदेशमा ६६२ बालबालिकामा देखिएको छ। कडा शीघ्र कुपोषित बालबालिका ख्याउटे र करङ्ग हुने प्रकारका हुन्छन्, उनले बताए।
सम्बन्धित खबर
