३१ जेठ, काठमाडौं । अमेरिकी राष्ट्रपति डोनाल्ड ट्रम्पले इरानसँगको सम्झौतामा आइतबार हस्ताक्षर हुने बताएका छन्। उनले हस्ताक्षर भएसँगै स्ट्रेट अफ होर्मुज तुरुन्तै सबैका लागि खुला हुने जनाए। ट्रम्पले यो जानकारी सामाजिक सञ्जालमार्फत् दिएका हुन्।
तर, ट्रम्पको यस भनाइ इरानका विदेश मन्त्रालयका प्रवक्ता इस्माइल बघाईसँग बाझिएको देखिन्छ। बघाईले पहिले भनेका थिए कि दस्तावेजहरूमा आइतबार हस्ताक्षर हुने छैन तर ‘आगामी दिनमा हुन सक्ने’ बताएका थिए। अमेरिका र इजरायलले गत फेब्रुअरीको अन्तिम साता इरानमा आक्रमण गरेपछि मध्यपश्चिम क्षेत्र तनावग्रस्त बनेको छ।
विश्वभर इन्धन ढुवानीको महत्वपूर्ण जलमार्ग स्ट्रेट अफ होर्मुज बन्द छ। प्रत्यक्ष भेटघाटले लजिस्टिक चुनौतीहरू र प्रक्रिया अवरुद्ध हुने सम्भावना रहेकाले अधिकारीहरूले सम्झौतामा भर्चुअल हस्ताक्षर गर्ने योजना बनाइरहेका छन्, जसको जानकारी सीएनएनले दिएको छ। सम्झौताले कार्यान्वयनको रूपरेखा र बाँकी रहेका समस्याहरू समाधान गर्ने विषयमा ६० दिनको नयाँ वार्ताको अवधि सुरु गर्ने एउटा अमेरिकी अधिकारीले गत शुक्रबार बताएका थिए।
