नियमित गस्तीमा रहेक प्रहरी टोलीले देशका विभिन्न स्थानबाट लागुऔषधसहित ३१ जनालाई पक्राउ गरेको छ। उनीहरूलाई बर्दिया, सुनसरी, झापा, ललितपुर, सिराहा र काठमाडौं लगायतका जिल्लाबाट पक्राउ गरिएको छ। पक्राउ परेकाहरूको साथबाट खैरो हेरोइन, गाँजा तथा चिकित्सकको सिफारिसमा मात्र पाइने विभिन्न औषधिहरू बरामद गरिएको छ। ३१ जेठ, काठमाडौं।
केन्द्रीय प्रहरी समाचार कक्षका अनुसार बर्दिया र सुनसरीबाट पाँच/पाँच, झापा र ललितपुरबाट चार/चार, सिराहा र काठमाडौंबाट तीन/तीन, कास्कीबाट दुई, धनुषा, नुवाकोट, पर्सा, सुर्खेत र बाँकेबाट एक/एक जना पक्राउ परेका छन्। प्रहरीले उनीहरूको साथबाट खैरो हेरोइन र गाँजा साथै चिकित्सकको सिफारिसमा मात्र खरिद गर्न पाइने औषधि बुप्रेनोर्फिन, फेनारगन, डाइजेपाम र ट्रामाडोल बरामद गरेको छ।
रासस
