स्विट्जरल्यान्डको शानदार जीत

स्विट्जरल्यान्डले फिफा विश्वकप–२०२६ मा पहिलो जीत दर्ता गरेको छ। अमेरिकाको लस एन्जलसस्थित सोफाइ स्टेडियममा भएको खेलमा बोस्निया एण्ड हर्जगोभिनालाई ४–१ ले पराजित गर्दै स्विट्जरल्यान्डले यो सफलता हासिल गरेको हो। स्विट्जरल्यान्डका लागि जोहान मान्जाम्बीले दुई गोल गरे भने रुबेन वर्गास र ग्रानिट जाकाले एक–एक गोल गरे। बोस्नियाका एर्मिन माहमिकले सान्त्वना गोल गरेका थिए।

खेलको ७४ औं मिनेटमा मान्जाम्बीले गोल गर्दै स्विट्जरल्यान्डलाई पहिलो अग्रता दिलाए। त्यसपछि ८० औं मिनेटमा बोस्नियाका तारिक मुहारेमोभिकले रातो कार्ड देखाई बाहिरिए। यसपछि स्विट्जरल्यान्ड खेलमा प्रभुत्व जमायो। रुबेन वर्गासले ८४ औं मिनेटमा गोल गर्दै अग्रता दोब्बर बनाए। जोहानले ९० औं मिनेटमा व्यक्तिगत दोस्रो गोल गर्दा टोलीको अग्रता तेब्बर बनायो।

दोस्रो हाफको इन्जुरी समयमा एर्मिन माहमिकले गोल गर्दै बोस्नियालाई खेलमा फर्काउने प्रयास गरे। तर, अन्तिम समयमा डिबक्सभित्र स्विट्जरल्यान्डका खेलाडीलाई लडाएपछि पेनाल्टी पायो। उक्त पेनाल्टीको सदुपयोग गर्दै ग्रानिट जाकाले गोल गरे र स्विट्जरल्यान्ड ४–१ ले विजयी भयो। यस जीतसँगै स्विट्जरल्यान्डले ४ अंक जोडेर समूह ‘बी’ को शीर्ष स्थानमा उक्लिएको छ। अन्य तीन टोली समान एक–एक अंकमा छन्।